×Only spot

رحمة السماء

2009-05-09T16:56:00.001-07:00

وجدتها تهاتفنى منذ قليل على غير العاده لان تهاتفنى فى هذا الوقت المتأخر ولان علاقتنا ليست بالعميقه والقويه اصابتنى الدهشه لماذا تذكرتنى فى هذا التوقيت ولماذا كل هذا التصيم ان ارد ولماذا تذكرتنى تلك الايام ولماذا كل ذلك القلق الذى بدا على صوتها تجاهى وما الذى يدفع مجرد زميله دوره لغويه منذ اقل من خمس اشهر تتصل بى طالبه منى ان ادخل الى اميلى الخاص لاقرأ رسالتها التى ارسلتها لى انا بالاخص واخذت تدعو لى وكأن هناك رساله مبعوثه لى انا وتصميمها على انى لست على مايرام اصابنى بالشلل والصمت والازبهلال وقسمها لى انها لا تعرف لماذا تنقل الى كل تلك الكلمات موجهه الى انا ولكنها تذكرتنى فجأه وشعرت بألم تجاهى هذا مبررها الذى ذكرته ليه نعم لدى شعور غريب جدا لماذا انا ولماذا تلك الرساله فى هذا التوقيت وكيف عرفت انى اعانى بعض من الام النفس على الرغم ان قريين لى بينظرو لى سخرية الا انها حقا كانت جاده فى حوارها معى لم اجد غير انى بكيت بعد ان انهيت الحوار معها و ابداء رغبه ان نلتقى قريبا رغم ادراكى انه بالمستحيل لذلك قررت ان اترك كلماتها التى ارسلتها لى هنا فى مدوناتى ربما تقرأ فتكون سبب لغيرى فى حاله سكون استشعرها الان ومن يعرف.................................................
كونى اقوى منه....... هعيش ازاى؟؟؟
________________________________________
بنات كتير جدا مروا بتجارب اكيد فى وقتها كانت قاسية جدا عليهم ومفيش بنت قلبها متكتكش جواها ومفيش بنت محبتش او بمعنى اصح عاشت ولو لحظة حب
الحب اجمل شئ فى الكون واللى اجمل منة انك تكونى مع طرف بيحبك وبيقدرك وبيخاف من الهواء ليجرح بس رمش من رموشك
ولكن للاسف حكايات كتير بتنتهى نهاية ماساوية اللى بيخون واللى بيبيع واللى بيغدر واللى بيتغير واللى بيستسلم وانا مش بتكلم كدة على طرف واحد لا ممكن الطرفين يخرج منهم كدة افعال سيئة
بعد تجربة قاسية لو مرت البنت بيها بتقول كلمة تلقائية جدا هعيش ازاى؟
هعمل اية؟
انا ممكن اموت لو بعد عنى؟
كل دة كلام فى وقت ضعف لو حاملة هم انك تعيشى ازاى صدقينى هتعيشى وهتعيشى احسن كمان من ما كنتى معاة عارفة لية لان دة نصيبك واختيار ربنا ليكى وانتى مش تعرفى لو كنتى استمرتى معاه كان هيحصلك اية
هعمل اية؟بايدك تعملى حاجات كتير تعملى حاجات تفيدك وتعليكى بينك وبين نفسك اتعلمى حاجة جديدة ادرسى حاجة كان نفسك تدريسها ودلوقتى الدنيا مفتوحة عندك نت عندك كورسات عندك حاجات كتير جدا مفيدة
عندك دار لرعاية ايتام واللة العظيم يوم مع طفل يتيم بالدنيا كلها كفاية احساسك بية ورعايتك لية واهتمامك بية
ابدئى اقربى لربنا لان ربنا وحدة بس هو اللى بينجى اى انسان من اى حاجة مهما كانت صغيرة ودايما قولى يارب عارفة لية؟
عشان كل مرة بتقولى فيها يارب المسافة بينك وبين ربك بتقرب واستعينى باللة على طول
حبى اصحابك حتى لو وحشين ابدأى دايما معاهم بالخير حتى لو هما كانوا مش كويسين معاكى على الاقل انتى الاحسن
اهلك اهلك اهلك ابوكى وامك واخواتك وعائلتك مفيش حد هيحبك زيهم ابدا ارضيهم دايماعشان يرضوا عنك وربنا يرضى عنك من رضائهم عليكى
اوعى فى يوم تستسلمى للحظة ضعف حتى لو جت عليكى استعيذى باللة واقفى وكملى طريقك اللى انت اخترتية واللى انتى قوية فية
الموت والجواز نصيب وقدر محدش عارف هيحصل امتى استعدى للحدثين بقوة اخرتك اعمليلها من النهاردة ومن تانى افتحى صفحة جديدة مع ربنا لانة بيحبك
اما عن الحدث التانى سيبيها على ربنا انتى مكتوب ليكى كل حاجة من يوم ما كان عندك 40 يوم متخيلة يعنى خلاص ليك نصف تانى فين بقى اللة اعلم لحد لما تقابلية اعملى كل حاجة كويسة لية علشان لما تقابلية تفتخرى بنفسك ادامة ومتبقيش مكسوفة او خجلانة من حاجة ادامة
ربنا يوفقك يارب وتبقى دايما سعيدة ومبسوطة

افتراضي كونى اقوى منه ....متحبيش واحد حب واحده اكتر من 6 شهور.........

الحب الاول بيبقى لية ذكرياتة ومشاعرة واحسيسة اللى عمر ما حد بيتجاهلها ولا بينسها بيفضل فاكرها لانها جزء من حياتة مرحلة من مراحل عمرة حتى لو اصبحت ماضى او ذكرى من وجهة نظرى ومش عارفة دة راى صح ولا غلط انك تتراجعى لو حبيتى واحد كان بيحب واحدة تانى ومرتبط بيها اكتر من 6 شهور وعارفة السبب اية ان الانسان دة بيبقى جواة كل الذكريات للانسانة دى وبجد عمرة ما بينساها ابدا مهما حب البنت التانية ممكن ينسى بس لو حصلت معجزة او لو كانت الاولى متستحقش حبة او طلعت انسانة مش كويسة مثلا ممكن ولد يفضل يحب فى بنت سنين وبجد يخلص ليها جدا ويعمل علشانها حاجات كتير وللاسف فى الاخر خالص تسيبة وتجرحة وتبيعة فى لحظة علشان حاجات ملهاش معنى ولا ليها قيمة ممكن تكون ماديات ممكن تكون تفاهات ممكن تكون اصلا البنت عمرها ما حبتة لان البنت الاصيلة بنت الناس من وجهة نظرى هى اللى تقف جنب الانسان المرتبطة بية فى كل حالتة فقير ضعيف غنى قوى كل حاجة مش تسيبة وتجرى من اول لحظة علشان حبة هبل عمر الفلوس ما تسعد انسانة لو اتجوزت ملياردير ومكنتش بتحبة عمرها ما هتعيش يوم مرتاحة ولا سعيدة المهم يعنى ان دى فى حالة البنت الوحشة اللى بتعمل حاجة سلبية جدا فى الولد دة انها بتجرحة وبتخوفة من الدنيا كلها كفاية انها بتخوفة من اى بنت لانة فى كل مرة بيشوف شبح البنت الاولى وممكن يضيع من ايدة ناس كتير كويسين بس مين اللى خسران اكيد هو فقد نعمة احساسة وبقى انسان ضعيف خايف على طول سلبى مع نفسة والكلام دة مش على الولد بس لا البنت كمان اللى بتمر بازمة وتفضل خايفة طول الوقت ودة غلط
الولد اللى حب بنت سنين وسابوا بعض لاى ظرف غير انها طلعت وحشة حبها بيفضل ساكن جوة قلبة وبتفضل صورتها الحلوة على طول فى خيالة وبيظلم من غير ما بيدرى البنت التانية علشان كدة اوعى تفكرى انك تحبى واحد كان فى قلبة واحدة بتجرى فى دمة لانك عمرك ما هتوصل لشريانة عمرك ما هتوصلى لاحساسة ولا مشاعرة اللى المفروض ان واحدة تانى هى اللى مسيطرة عليها واصعب حاجة على اى بنت ان يشاركها واحدة تانى فى احساس الانسان اللى عايشالة بتبقى صدمة واسطورة حزن لا بتبقى عارفة تبعد عنة لانة بالنسبة ليها حياتها كلها ولا بتبقى عارفة تستحمل ابشع احساس فى الدنيا
الحب دة خرافة ولا وهم ولا احساس محدش عارف يوصل لحقيقتة بالظبط؟
الحب دة شعور قوى بيقوينا ولا بيضعفنا وبيهزمنا قدام حياتنا
نحب ونتنفس الحب فى كل لحظة ولا نقفل قلوبنا اللى قالولنا انها بيت الحب
نعيش قاسين على اللى بنحبة علشان يفضل يحبنا ولا نحبة علشان هو اللى يقسى علينا
نحب واحد حب واحدة سنين وعاش معاه كل الذكريات اللى بتتمنى انة يعيشها معاكى ولا تستنى ملاك وانتى عارفة ان الملايكة بس عند ربنا
تشترى كل يوم وردة وتحطيها قدام عينيكى وجوة نفسك بتتمنى انك تديها لحد مرة واحدة هيجيلك ويقولك بحبك من غير اى مقدمات ولا اصلا متمشيش قدام محل الورد تانى؟؟؟

حبيتى فى يوم من الايام حب وندمتى علية؟
عمرك غلطى فى حق واحد حبك بجد من قلبة وظلمتية؟
عندك الجراءة انك تقولى لحد حبتية بحببببببببببببك؟
عندك الجراءة انك تتحدى الدنيا كلها لو وقفت ادامك علشان انسان بتحبية؟
لو اكتشفتى ان الانسان اللى بتحبية قوى مبيحبكيش تسيبية ولا تفضلى تحبية بينك وبين نفسك ولا تنسية؟
لو ظلمك انسان قوى وحاول يرجعلك وطلب انك تسامحية هتسامحية وترجعيلة؟
ممكن تحبى حبيب صحبتك وتاخدية منها؟
لو قالولك تختارى الحب ولا انك تعيشى غنية جدا وتركبى احسن عربية وتلبسى ماركات عالمية تختارى اية؟
ممكن تحبى حد من اول لحظة؟
انتى اصلا بتعرفى تحبى؟
بتخافى؟ وبتخافى من اية؟
قبل اما تنامى بتقولى للى بتحبية موجود او مش موجود بحبك تصبح على خير؟
عمرك حسيتى انك لوحدك قوى ؟
نفسك تقابلى حد صدفى يخطفك من اول نظرة؟
اشتريتى وردة وكان نفسك تهديها لحد وللاسف دبلت وماتت زى ما حاجات كتير بتموت؟
من اكتر حد نفسك تشوفية دلوقت حالا؟
من اكتر حد نفسك تسمعى صوتة حالا؟
غلطى فى حق نفسك يوم؟
ظلمتى نفسك؟
جيتى على نفسك؟
نزلتى من كرامتك؟
اتخليتى عن مبدا من مبادئك؟
اتمنيتى الموت فى يوم من الايام؟
نفسك تتغيرى ومش عارفة؟
حاسة انة بيحبك ولا لا؟
افرضى ما بيحبكيش هتكرهى نفسك والدنيا؟
انتى واثقة فى نفسك؟
بتصلى؟
بتقرائى قراءان؟
انتى قريبة من ربنا؟
واثقة فى ربنا؟
انتى مؤمنة بالقضاء والقدر؟
فكرتى فى الاخرة فى يوم من الايام حوالى كم مرة؟
بتفتكرى ربنا كام مرة فى اليوم؟
بتتكلمى على حد من وراءة؟
بتزعلى الناس من؟
الناس لو انتى مش موجودة تفتكرى هيقولوا عنك اية؟
هتعرفى تحافظى على بيتك وزوجك واولادك؟
انتى بنت قوية؟
بتقايلى لو جاوبنا على الاسئلة دية وكنا واضحين مع نفسنا هنصفى ونبدا نتصالح شوية بشوية مع نفسنا
الانسان بيغلط ويتوب وبيقول سامحنى يارب وهنفضل نغلط ونرجع لربنا بس المهم ان احنا نتعلم من غلطنا
جاوبى وانا كمان هجاوب واللى عندها اسئلة تانى عايزانا نجاوب عليها تقولهلنا يمكن كل واحدة تكتشف عيب فيها وتصلحة وتبقى قوية بجد

ناس كتير جدا فاهمين انه لما يتكلم كتير كلام حلو للانسان المرتبط بية سؤاء بنت او ولد يبقى كدةهو بيحب بجد وانة انسان او انسانة صادقة فى احساسة بس عمر الحب ما كان بكتر الكلام ناس كتير بتتكلم احسن كلام فى الدنيا بس لو فتحنا قلبهم مش هنلاقى اصلا قلب
المشاعر والحب وحبنا مش بس كلام لما نحب حد بنخاف علية بنحس بية بيبقى اهتمامنا ورعايتنا لية هو الترجمة عن مشاعرنا والكلام دة مش بس فى حب بين طرفين ولد وبنت لا بيضم كل انواع الحب بداية من حبنا لربنا سبحانة وتعالى مش لازم نفضل نقول بحبك يارب واحنا مبنصليش مبنعملش اللى ربنا قالنا علية وفى الاخر بنحبك يارب
حتى اهلنا امنا ابونا اخواتنا منقولش لآمنا وابونا احنا بنحبكوا قوى ونخرج من البيت نتصرف تصرفات تخلى الناس يشكوا فى وجودهم معانا نتصرف تصرفات تسئ ليهم وهما مش ذنبهم حاجة فى الدنيا غير انهم تعبوا علينا وكبرونا وربونا يبقى حبنا ليهم يترجم فى افعال نحترم وجودهم من عدمة نتصرف مع الناس بالطريقة الى تعكس تربية ابونا وامنا لينا عمر ما ربنا بيضيع تعب اب وام على اولادهم مهما كان منخليش منظرنا وحش لدرجة الناس يسالوا هما فين اهلهم دول وكتير بتحصل
اخواتنا دول دمنا نحبهم يعنى نبقى معاهم نفرح لفرحهم ونزعل لزعلهم مش نقول بحبك يا اخويا بحبك يا اخوتى كدة وخلاص
اما الحب اللى بيقوينا وبيخلينا نشوف الدنيا بشكل تانى اللى بيسعدنا وبيخلى عنينا دايما بتضحك حبنا لانسان اخترناة من الدنيا ويستاهل بجد انة يتحب مينفش نقول ان احنا بنحب حد بالكلام كدة وخلاص وتصرفتنا كلها عكس كدة اللى بيحب حد بيحب كل حاجة حوالية بيحب اهلة بيحب ابوة وامة واخواتة لانه جزء منهم وهما جزء منة وكتير بنات بتبقى غلطانة لما تحس انها بتتدخل حرب مع اهل زوجها او خطيبها وانها هتحاول بكل الطرق انها تبعدة عنهم ازاى تبعدية عن امة وابوة واخواته ى ازاى تحاول اى بنت بتحب واحد انها توقع مثلا بينة وبين اهلة وبتحصل كتير جدا ساعات بنات بيقولوا اصل مامتة ست متسلطة ومن اول ما شفتنى محبتنيش عادى اية المشكلة يعنى ما انتى لو ذكية تحبيبيها فيكى وتحببى كل اهلة فيكى لانك بتحبية ومفهاش حاجة لما تيجى على نفسك شوية علشان خاطر الانسان اللى يستاهل انك تيجى على نفسك علشانة ومتنسيش ان دول اهلة يعنى دمة وتاكدى انة لو جيه علية يوم وفضلك على اهلة او باع اهلة تاكدى انك اخترى غلط لان اللى يهون علية دمة وامة وابوه هتهونى علية انتى وهيرميكى رمية جامدة جدا
وازاى هتبقى بتحبى حد وتفضلى تتكلمى وخلاص فين رعايتك لية واهتمامك بية وتقديرك لية
الانسان والقوى والبنت القوية بالذات هى اللى تكبر الشخص اللى حبيتة واختاريتة وكان يستاهل ومتاكدة انة يستاهل
انتى ممكن تترجمى حبك بحاجات بسيطة جدا نظافتك لبيتك دليل على حبك لزوجك لانة لما يشوف بيتة نظيف حيحس براحة نظافتك لاولادك متسيبيش ولادك معفنين يجى يمسكهم يلعب بيهم يقرف منهم ومنك
اى بنت بتنتقل لبيت جديد بتعكس تربيتها وتربيه اهلها ليها طول السنين بتعكس شكل امها وتربية ابوها وادبها واخلاقها وطريقة معاملتها مع اهل زوجها
متقوليش انا بحبة قوى بس مبطيقش مامتة ولا ابوة مثلا عارفة
اى بنت لو فكرت ان الست اللى هى امة دية تعبت اد اية علية وحافظتلها اد اية علية ورعيتة واهتمت بية وسهرت علية وقت تعبة وقت مذكرتة وقت نجاحة وقت زعلة لحد لما كبر واختارك من وسط بنات كتير هتعرفى قيمتها فهتشيلها فى عينك جوه عينك كمان وطبعا بابا معانا بس الام بردو
واكيد الكلام دة مش ليكى بس لسبب بسيط جدا ان اكيد الانسانة اللى هتعمل دة كلة ربنا عمرة ما هيدلها واحد وحش
اتعلمى وعلمى اللى حواليكى زى ما الانسان محتاج كلام حلو محتاج فعل احلى

منقول من اميل لصديقه لى

ليله الوداع

2009-04-18T13:26:00.001-07:00

ارحل عنها واهجر قلبا من اجلك يحترق
سافر بعيدا وارتحل واعلن العصيان
انزع حبها من قلبك وتقبل العزاء
لكنك لن تسطيع ان تنزع حبك من قلبها متى تشاء
تظاهر بالنسيان وتجاهل حبها وافعل ما تشاء
لكنك لن تستطع تغير خريطه السنين
سيدى انت لا تملك حبها لك ولن تملك نزع حبك من قلبها
فمتى شئت اهجر اوطانها لكنها لن تنساك
ان ملكت لسانك عن ان يبوح بحبك لها فلن تملك منع عيناك ان تتحدث لها
كلاكما أثر الفرار
اهربا كما شئتما فمما تهربا
فالحب قدركما فدعها وارتحل فستظل انت بداخلها
فالحب ليس له اوطان وليس بايدينا الا نحب
الحب كائن متطفل يتسلل الى داخلنا ليعلن العصيان
اهرب وارتحل فهى كذلك تبحث مثلك عن اوطان تهاجر اليها
فهى بالحب تحى وللحب تعيش وبه سترحل عن الحياه
دعها تتغنى راقصة فى ليلة الوداع
دعها ترثى موت حب صامت داخل قلبان
فلتدع بطلتك ترقص رقصة الوداع على انغام الموسيقى الجنائزيه
لانك سترحل وتدعها تحترق لهفة وشوق اليك
فالودااع .....الوداع

2009-03-09T04:43:00.000-07:00

مع شقشقه النهار وازئزة العصافير
مع ميلاد الصبح بعد سواد ليل الشتا الطويل
مع شروق شمس يوم جديد ومع كل نسمة هوا نقيه وصفاء السماء الجميل
مع موسيقى خيرت وعزف الناى الحزين
مع رقة صوت منير وعزوبه حليم
بتلاقى جواها بينبض لسه شئ اسمه الامل
ووسط جمال الصبح وصفاء السما وعزوبة الندى
بصت لبكره لاقيت شئ غريب لا هو قريب ولا بعيد
تاهت فى احلامها ووحدتها وقررت تعيش
واهى من ساعتها بتحاول تلقى هوا تتنفسه عشان تقدر تعيش

كالبحر

2009-02-16T14:29:00.000-08:00

يقولون انها كالبحر امواجه عاتيه وكالصخور قاسيه لكنهم نسوا ان البحر يعطى ولا ينتظر الاخذ والصخور ملجأ لكل متأمل فى الطبيعه
لا تنتظر من ينظر بداخلها ليكتشف ما به ربما لانها تعلم ان الطفله التى بداخلها مسجونه داخل قفص لا يملك مفتاحه سواها لكنها قررت ان تمنحها بعض الوقت لتعيد اليها الحياه وتعود لانسانيتها ربما تجد السعاده المفتقده وربما تعيد اليها البسمه من جديد ولربما تكتشف انها ليست كالبحر فى عتيانه ولكنها مثله فى صفائه ولربما تستطيع ان تكون كالصخور ليس فى قسوتها ولكنها كالصخور فىيما تمنحه للجالس عليها من متعه النظر للطبيعه فلندعها تكتشف فى صمت ولندعهم يتهونها فى عنف !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!فهى حقا كالبحر

still dream

2009-01-24T02:23:00.000-08:00

who can not dream?? & who can realize his dreams ? why we cannot sometimes achieve our dreams ? is it belong to the destiny ? or it is belong to our failure in planning how to reach our Dreams ? May be but the most important thing we lost our Dreams when we lost the motivation to reach them , when we get the feel we are alone in this Life and nobody trays to dry our tears or to share us our happiness , but one has to get over this emotions ,because this always the reason for neglecting the beautiful sides in our life and make us lose the ability to reach our way in the direct of carrying out our Dreams.

I have a friend who blames me because i dream so much , but can not reach , what i dreamed with , but inside of me , i smile and say my best friend , as long as i still can dream ,it is a signal i still a live , may be i can one day reach my big dream i am still dreaming with and i swear it will be achieved but when allah wants that .

I am always dream with , what i want to make in my life and imagine after that it becomes reality , many times i forgot this dreams , but after a long period i discover that my dreams happen , the other say me it is transparency from my side , but i say it is the impression of our unconscious mind , because what we save in our mind , sometimes be the motivation to do it without awareness from us that was one day , so close your eyes and dream and interact with your dream ,then pry allah for help you realizing this dream ,then begin to take any step towards your dream ,i am sure it will be the begin to make it truth , even if you donot reach it , it is enough that you can not lost the capability to dream , and you still a live

Do not say i am alone , but say i have a dream that i will one day meet with , who can love and appreciate me and can understand my needs .

الغموض

2009-01-19T14:01:00.000-08:00

تجلس لتبحث بداخلها عن تفسير لمصطلح الغموض وتحاول ان تصل للخط الفاصل ما بين الغموض والوضوح تلك المنطقه التى تحاول الوصول لها منذ فتره طويله ,لكن احيانا تقذف بها الحياه بمن هم اكثر غموضا فتقف عاجزه عن تفسير هذا الغموض واحيانا تنجح ولكن فى الاغلب تقابل بالفشل,او تتهم هى الاخرى بالغموض من قبل من تتعامل معهم واحيانا تصتدم بذاتها الغامضه عليها احيانا عندما تقف عاجزه عن تفسير ذاتها ما بين الخيريه والشر فى اى الطريقين هى تسير ,الاهم انها حالمه دائما وتميل الى الصفاء الذى تفتقده مع الكثيرين ممن يحيطون بها ,تلجأ للشرود والصمت فتقابل بالاتهام بالغموض,فيكون الغموض احيانا سر جمالها ربما وفى الاحيان الاخرى سر عجزها امام نفسها لتفسير بعض المواقف او للكشف عما تخبئه النفس نحو الاخر فتلتزم الصمت وتعلن الغموض وتطلب الا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! يلومها احد

ذاك الشعور اللعين

2009-01-09T10:09:00.001-08:00

ما ألعنه من شعور عندما تشعر انك محتل داخل وطنك وما امره من احساس عندما تشعر ان ابن بلدك هو من يحتلك .امس فى طريق عودتى الى منزلى بعد يوم عمل طويل ومرهق قررت ان اذهب لبيتى سيرا على الاقدام لعشقى للمشى اثناء ليالى الشتاء البارده وكان ذلك اثناء صلاة العشاء حيث وجدت عربات الامن المركزى تقف امام المسجد القريب من مكان عملى واذا بهم يملئون جانب الشارع الايمن مصتفين وواقفين .شعور غريب استشعرته عن بعد عند رؤيتهم ولاول مره اشعر بهذا الشعور شعرت بنيران تسير فى كل جسدى ولا اعرف لها مبررر وعند مرورى امامهم فاذا باحدهم يلقى كلمات اعجاب قد تكون ليست خادشه للحياء وربما اسمعها احيانا فاشعر بالاشفاق على من يلقيها ولكنى تلك المره لم اتمالك نفسى فاذا بى انظر اليه نظرات حقد وغضب وغيظ واذا بى افعل فعله لم ولن افعلها من قبل واستكملت طريقى وصور الامهات امامى ورائحة الدماء تملأ انفى ونيران تسير فى كل جسدى وشعرت بانى مغتصبه او محتله نعم شعرت بتلك المراره التى يشعر بها اهل غزه لاول مره عندما حاول ذلك الشخص ان يتظاهر بقوته بين باقى من كانو يقفون بجانبه من افراد الامن المركزى وللاسف مازالت المراره تملأنى حتى الان لان الناس فى وادى وهؤلاء فى وادى اخر .هم يضربون ويعذبون شبابنا ويعتدون على حرمة نساءنا فى حين ان هناك عدو يقتل اخواننا هناك ترى هل يوجد فرق بيننا وبينهم هناك
عدت الى منزلى لارتمى على سريرى والصمت يملؤنى و امامى صور ومشاهد كثيره فاذا بى انتبه لصوت هاتفى فاجبت دون ان اعى من المتصل فاذا بها صديقتى الغاليه فتقلق من ردى عليها وتسالنى مابى فاحكى لها تصرفى وما فعلته فاذا بها تصمت وتقول لى للاسف لا استطيع ان الومك لما تصرفتيه ولكنك اسقطتى كل غضبك عليهم رغم معرفتك انهم مثلنا لا يملكون سوى حاضر يا فندم ويحاولون فقد التعبير عما بداخلهم من كبت بطريقه الجائع الذى ياكل اى شئ لمجرد ان يشبع جوعه وكفى ,اما انتى فتصرفتى بنفس المنطق تقريبا فقد عبرتى عن سخطك ليس من مجرد كلمات عابره سمعتيها لا انتى بتصرفك هذا كنتى تنتقمى لما بداخلك وليس منهم فتمالكى غضبك ارجوكى ولا تتهورى فقد مضى ذلك الموقف بسلام ولكن تصرفك ليس صائب لانه ليس من طبعك ولستى بكل ذلك التهور والغباء
استمعت اليها وانا مقتنعه بكل ما تقوله وحاولت هى تغيير الموضوع حتى تخفف من حده الموقف ولكنها فجأة تصرخ فى وتقول هو الظلم ماله ملى حياتنا ليه هو احنا ليه مبقناش زى زمان بنضحك وبنحس بطعم الفرح هى راحت فين ضحكتنا وراحت فين برأتنا هو احنا كبرنا ولا ايه؟؟؟؟ أنا لا اجيب فقد اسمعها وكفى واذا بى اقول لها اشعر ان النهايه اوشكت وذلك الشعور اللعين يتملكنى بقوة فاعتقد ان ايامى فى الحياة فى عددها التنازلى .هى تصمد لانها تعلم انى اوشكت للدخول فى دور اكتئاب من جديد فاذا بها تسألنى مداعبه ماذا سترتدى غدا عند الذهاب الى عملك لاجيبها غدا اجازتى من الحياة فلن افعل شئ سوى النوم العميق وحاولت هى فتح كثير من الكلام فاذا بى استأذن بأدب بانى مجهده حقا واريد الصمت فحسب . واغلقت الهاتف وكلماتها ترن باذنى والشعور بالغضب والندم يلؤنى فالغضب من الظلم والندم لتهورى واندفاعى احيانا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مرة واحده بس

2009-01-02T08:30:00.002-08:00

اليوم شاهدت مسيره النعوش التى نظمها الشباب اللبنانى كمسيره سلميه طافت انحاء عديده بلبنان واستقرت بحى الحمراء امام السفاره المصريه مطالبين بفتح معبر رفح ولكن ليس الحل فقد هو فتح معبر رفح بعد تصريحات رئيسه الوزراء الاسرائيلى بفرنسا فيما معناه بان الامر ليس مزبحه انسانيه كما يزعم العرب وبالطبع لانها ابعد عن معرفه معنى انسانيه وادميه فى التعامل مع البشر لذلك اتمنى وليس بعيدا على الله ان يفوق العرب ويتحدوا بجد ويعلم كل دوره يا دول النفط اوقفو النفط ولو ليوم فى ظل الازمه العالميه سيتحرك الاتحاد الاوروبى بتلك الفعله لصالحنا هذا سلاح قوى فى صالحنا ويا مصر اوقفى الغاز وكفا عار بالله عليكى واتمنى ان يتحد العرب وينظمو جيش لمسانده اهل غزه فلما لا الم يفعلها دول الاتحاد الاوروبى وساندوا امريكا ضد العراق لما لا نتعلم من دروس التاريخ فهم يتحالفون ويتكتلون ونحن نبحث عن الضعف والوهن واتمنى ان يتخلى العدو من جبنه واختبائه وراء سلاح طيرانه ويواجه خصمه برا كى يوفتك بفضل عزيمه اهل غزه لانهم اهل الحق , فلما نرضى ان نكون فئران يتم اصتيادنا بالجبن الرومى الرخيص ونحن نستطيع ان نكون حقا اسود وملوك
حقا لا اعرف لما ولكنى أأمل ان تكون العزه للعرب كما كانت يوماوسحقا لخارقة الطريق الامريكيه !!!!!!!

وداعا 2008

2008-12-31T12:35:00.000-08:00

مر عام من عمرى ولكنه لم يكن كاى عام. شعرت ان 2008كانت سنه مليئه باحداث كثيره بالنسبه لى على المستوى الشخصى وايضا على مستوى الاحداث والاخبار ولكنى اريد ان اودع 2008 واستقبل 2009 وانا داخلى بذره امل ان يكون بعد ما نعانيه من ضيق ومراره فى الصدوره ان يكون هذا هو الضيق الذى يتبعه فرج لما لا ربما واتمنى ان يصيب الله املى هذا .من اكثر السنوات احداثا مرت على بعد 2001 هى 2008 ولا انكر اننى لا استطيع توصيف هذه الاحداث ان كانت سعيده ام لا حقا لا اعرف .رغم كم المشاكل التى قابلتها هذا العام مع اناس من المفترض انهم اقرب الناس الى وما لقيته منهم كان بمثابه الهزه لى ولكنها احدثت معى رد فعل منافى لما كان متوقع فالحمد لله انهيت دراستى بتقدير جيد جدا واثبت للجميع انى استطيع تحمل المسئوليه والحمد لله لم يخيب املى الله وكلل فرحتى بدخولى للحياه العمليه ورغم الصعاب التى اجدها امامى فى مجال العمل والتى احدثت لى صدمه فى البدايه وشلل فى التفكير الا انى اشعر بالرضا عن تلك الخطوه حاليا واحاول انا اجد طريق اخطو فيه باقى خطواتى القادمه .عرفت ناس تلك العام منهم من صار لى صديق ومنهم من ندمت حقا للتعامل معاه او لقائه .ادين بالفضل لكثير من اصدقائى لوقوفهم بجانبى وتشجيعى دائما لاواصل الحياة واحاول ان اجد نفسى واضع معالم لطريقى.اتمنى من الله ان يجعل ابى يسامحنى لرفضى من اختاره لى واقتناعه انه مناسب لى ولحياتى القادمه ولعنادى الشديد ان تلك حياتى وانى سارسمها ولكنى الان ينتابنى خوف رهيب ان اكون حقا مخطئه فى قراراتى .اؤمن بان القدر مكتوب عليا ولا بد ان نلقاه لذلك ارضى بكل ما كتبه الله على تماما واتقبله.ربما اتمنى اكون مثل توأم روحى واستطيع ان اصل للتوازن بين الظاهر والباطن يوما فى علاقتى مع الله سبحانه وتعالى واعتقد انى ساصل لهذا لما لا؟؟؟؟
اشعر بتموج فى شخصيتى هذا العام واقر بندمى على بعض التصرفات ولكنى لا بأس اعتقد انى اكتسبت بعض الخبرات التى ستساعدنى على تفادى اخطائى فيما بعد ربما لما لا!!!!!!!!!!!!!ـ أريد ان اهمس فى اذن كل من اخطأت بحقه واسأله ان يسامحنى من اخوتى واصدقائى وادعو الله ان يشفى ابى لانى لا املك بعد الله سواه رغم اختلافنا كثيرا الا انى حقا احبه وادين له بالفضل لما انا فيه .كم اتمنى ان ارتمى بين احضانهاالان اعز وانبل واخلص انسانه تعاملت معاها قدوتى وتوأم روحى احبك واتمنى من الله ان يوفققك دائما فى حياتك وتصلى لما لم استطع الوصول اليه وتحققى ماتريدين ونظل ليس اصدقاء فحسب انما حقا اخوه نحمل نفس الاسم رغم اختلاف الواننا الا انى منكى وانتى منى رغم اننا ليسا من دم واحد لكن تجمعنا محبه واحد ورغم انى اعلم انكى لن تقراى كلماتى هذه ولكننى اعلنها ويشهد الله عليها احبك كثيرا حبا خالصا من اى مصالح او يشوبه نفاق.ادعو الله ان يرحم امى وصديقتى ويرحمه ويسامحه .اتمنى من الله ان يعز العرب ويوحد صفوفهم ويعيد الينا عزتنا السابقه واثق ان هذا سيحدث قريب بل واقسم على ذلك بمشيئه الله وبفضله
بقى لى ان اشكر شخص قريب الى قلبى وادين له حقا بوقوفه جانبى دون تردد وقت ان طلبت منه مساعدتى وادعو الله له ان يحقق كل مايتمناه فى حياته ودائما النجاح حليفه ...يا رب لو كنت جرحت حد او اذيته دون قصد ان يسامحنى وان كان احد اذانى فانى اشهدك انى قد سامحته .عام بيكر عام ويا ترى يا دوامة الحياة هتخدينا لفين ؟؟؟؟اتمنى تخدنا لخير

صرخه والف اه

2008-12-28T13:34:00.000-08:00

قتلى واشلاء جثث وريحه دم ودموع بتنزل منى وقلب بنزف من الحصره ورغبه فى الصراخ ليه كل الى بيحصل وايه العمل مليون سؤال بيجى فى دماغى ومش لاقيه جواب ولا عارفه اعمل ايه احساس بالعجز والحزن والاسى ومحاولات بائسه منى انى اضحك ولكنها تفشل محاولات انى اعيش حياتى عادى ولكنها تفشل يومان وهناك يقتلون ويشردون ونحن هنا لا نفعل شئ سوى انا بعضنا خرج للتظاهر مع عدم تحقيرى لهذا العمل.وكلما شاهدت صور القتلى وجدت صورتك امامى يا احسان انتى ويسرى احداهما صديقتى منذ المرحله الابتدائيه والاخرى صديقه شقيقتى الكبرى وكلتاهما فلسطينيتين عاشتا هنا فى مصر .لم انسى كلمتك يا احسان وانتى تودعى شقيقتى وتداعبيها بخفة دمك انكى ستسافرى بلدك لتتزوجى وتزفى الى من تحبين كنتى تبكى وتضحكى وانتى تعلمى انك ذاهبه للموت ولم اعلم عنها اى اخبار منذ عامان اما يسرى لظروف امنيه سافرت اثناء الانتفاضه وودعتنى وهى ترسم لى ايضا تصورها عن يوم زفافها كعروس كم ستكون جميله ولكنى علمت انها استشهدت منذ عام اثناء الحصار من احد معارف والدتها المصريه رحمها الله فما امر هذا الجرح وكم يرفض ان يندمل وينغلق يوميا اتذكرها وابكيها ولكنى الان اتسال اليس كل صبى فلسطينى هو عربى لماذا تنصلنا وتبرانا منهم زلما خذلتنا شجاعتنا فى مساندتهم ولم نتقبل العار والذل .لن اشتم حكومات ولن انتقد احد لان هناك من سبقنى ولكنى ادين حاله الانبطاح والعجز والجهل السياسى الذى يعيشه سادتنا وايضا من يساندهم من النخبه
ختاما لن اقول سوى كما تدين تدان ولا بد ان تدور عجله الحياه لتسحق كل ظالم ولا بد ان تحرق النار من يحسب خطأ انه مالكها ومالك زمامها وحسبى الله ونعم الوكيل .حيرتى وعجزى يشلانى عن التفكير فى مساعدتهم هناك على الجانب الاخر عند حدود بلادى وغضبى يبكينى لاستشهاد مصرى عند حدودنا ليس له ديه من جراء القذف الصهيونى اللعين على بعد امتار من بلادى ولم يتحرك احد من سادتى ويثأر له ترى الى اى طريق سيأخذونا بعد الحصره والندامه
................................................ اليوم ارثيكى يا بلادى وابكى عليكى

عباس

2008-12-27T14:10:00.000-08:00

عباس وراء المتراس ،

يقظ منتبه حساس ،

منذ سنين الفتح يلمع سيفه ،

ويلمع شاربه أيضا، منتظرا محتضنا دفه ،

بلع السارق ضفة ،

قلب عباس القرطاس ،

ضرب الأخماس بأسداس ،

(بقيت ضفة)

لملم عباس ذخيرته والمتراس ،

ومضى يصقل سيفه ،

عبر اللص إليه، وحل ببيته ،

(أصبح ضيفه)

قدم عباس له القهوة، ومضى يصقل سيفه ،

صرخت زوجة عباس: " أبناؤك قتلى، عباس ،

ضيفك راودني، عباس ،

قم أنقذني يا عباس" ،

عباس ــ اليقظ الحساس ــ منتبه لم يسمع شيئا ،

(زوجته تغتاب الناس)

صرخت زوجته : "عباس، الضيف سيسرق نعجتنا" ،

قلب عباس القرطاس ، ضرب الأخماس بأسداس ،

أرسل برقية تهديد ،

فلمن تصقل سيفك يا عباس" ؟"

( لوقت الشدة)

إذا ، اصقل سيفك يا عباس

احمد مطر

عندما تصفو السماء

2008-12-23T12:44:00.000-08:00

استقظت على مكالمه منه واصراره ان اجيب .نظرت الى الرقم فى ثقل منى للرد لما اعانيه من ملل وعدم الرغبه لاسمع شكوى من احد فاذا به يصرخ بى فى فرحه لم استشعرها من صوته من قبل ليدور هذا الحوار
انا : ازيك
هو : انتى لسه نايمه قومى اشهدى اللحظه التاريخيه انا استجمعت قوايا وهعملها
انا : هتعمل ايه اوعى تكون ناوى تريحنى منك
هو : لا مش دلوقتى انا بتكلم جد هروحلها والى يحصل يحصل وهقولها وخلاص انا تعبت
انا: اخيرا هتعملها بس قولى نوعها الله يخليك
هو : هى ايه
انا : حبوب الشجاعه الى انت واخده على الصبح ومصحينى من عز النوم عشان تبلغنى الخبر
هو : كنت فكرك هتفرحى
انا : المهم هى تفرح وتوافق
هو : تفتكرى رد فعلها هيكون ايه
انا : لو منها هنشف ريقك زى منت عملت فيها على ما نطقت
هو : عشان بحبها بجد ومكنتش عايز ابهدلها معايا ولانى عايزها بجد
انا : كان نفسى افرح من زمان يا ساتر اخيرا
هو : انا هكلمها وابقى اقولك الاخبار
انا : ماش بس الله يكرمك استمر وبلاش تتراجع وتهته
هو : هو انتى دايما بتحدفى طوب كده الهى افرح فيكى قريب
انا: معتقدش
هو : مش طالبه كابه دلوقتى روحى كلميها وقوليلها انى عايز اتقدم
انا : ايه رايك واروح اطلب اديها من ابوها كمان بالمره واعلى الجواب
هو : يصمت ولا يرد
انا: لحد امتى هتتردد دى اللحظه الى لازم تاخد فيها خطوه
هو : خايف
انا: انت عارف انها بتحبك وعيزاك
هو : هكلمها وامرى لله

وقفلت الخط وداخلى شئ من السعاده اريد ان ارقص اغنى اصرخ بصوت عالى اخيرا سيفرح قلبان اخيرا سيدق الفرح بابهما اخيرا بعد انتظار عامان وكلاهما اقسما على الا افشى سرهما لكلاهما. جميله الحياه عندما تصفو السماء حقا .جريت الى مراتى انظر الى كانى انا العروس وفى انتظار سماع تلك الكلمه ولكنى سرعان ماعدت لوجومى ورددت كلمتى التى كثيرا ما ارددها بعد المطر تصفو السماء

الانسان مواقف

2008-12-16T14:41:00.000-08:00

سؤال يشغل بال كثيرين الا وهو كيفيه الحكم على الناس هل يكون حقا عن طريق افعالهم ام من خلال كلامهم ولان البشر اصناف متعدده فالافضل الا يتسرع المرء فى الحكم على احد من خلال كلامه ولندع الايام تثبت لنا وتكشف معدن الاشخاص الذين نتعامل معهم فهناك من هو الماظ ولكن لا نشعر بقيمته الا مع الوقت وهناك من هو فالصو ويبدو بريقه مغريا لنا فى الوهله الاولى الى ان يزول البريق لنكتشف حقا انه رخيص بلا قيمه وهناك من هو قيم كالنحاس وقيمته فىصلابته وقوته فى اتخاذ قراراته وافعاله وليس كلامه وهناك من هو مثل الفضه ربما يكون رخيص الثمن لكنه محتفظ بقيمته بين المعادن ولانى تعلمت ان احكم على الناس من افعالهم وليس كلامهم فتعلمت ان قليل الكلام كثير الفعل ولكن يختلف نوع الفعل ما بين الخير والشر والنفع والضرر وان كثير الكلام ماهو الا بنى ادم فارغ من داخله فيحاول تعويض نقصه باثبات قدرته على بلف الاخرين
يوما نصحنى صديق عزيز وقريب من قلبى بالا انخدع فى الناس فكان ردى ليس كل ما يلمع ذهبا ولكنى تعلمت ان الانسان مجموعه من المواقف التى قد تكون خليط ما بين الخير والشر وكل ما على المحيطين به هو القرار ما بين تقبله كما هو او الابتعاد عنه لكنى اكره المبدا القائل فى الوش مرايه وفى القفا سلايه وللاسف مبدا اواجه يوميا من اشخاص محيطين بى وعندما يلح سؤال من اسئلتى الساذجه لماذا يلجا الناس للنفاق والكذب تكون الاجابه عشان احنا بشر خلقنا المولى من نفس انسانيه من سماتها النسيان واحيانا ننسى اننا قد نتعرض لاشخاص يضحكون فى وشوشنا ويقولون ما لا يحمد عقباه من خلفنا وربما تاتى الرياح بما لا تشهى السفن وتكون الضربه من اقرب الناس لقلوبنا فكما تدين تدان فلا تشارك من يضربون الاخرون فى ظهورهم ويضحكون فى وشوشهم لان الايام دواره وسياتى عليك يوما لتتجرع من ذات الكأس الذى اذقته لغيرك فاجعل شرابك للاخرين دائما حلو المذاق كى تنعم بمذاقه يوم ان ياتى دورك

2008-12-13T09:34:00.000-08:00

قررت ارجع تانى لمدونتى بعد كل الفتره دى راجعه وانا جوايا القناعه انى من خلال مدونتى هسمع صوتى وهشوفنى فى مرايتى الحقيقيه مش اكتر وعمر فى يوم ما اخدت مدونتى سبيل للشهره لانه مش طموحى ولاهدفى بس احيانا بنحتاج نشوف نفسنا قدام نفسها عشان كده قررت ارجع تانى لمدونتى واكشفنى قدام نفسى واحاول احللنى لانى اقر واعترف انى اصبحت عنى بعيده جدا عنى ومبقتش عرفانى ولا قادره اقرر انا صح ولا غلط ومين الصح والغلط الظريف ان الى كنت بتهاجم عشانه امبارح بتحيى عليه النهارده والى كنت بتحى عليه امبارح هو الى بيكون سبب لهجوم اعز الناس عليا يمكن فكرة التناقض الى بواجهها كل يوم فى حياتى وفلسفة الاشياء حسب الاهواء ربما لما لا ...لكننى قررت اعود لمدونتى لانظر اليا من الداخل لعلى اكتشف انى خظأ والاخرون صواب او العكس . المهم انى اوصل للطريق اكتشف منه نفسى ليه لا !!!!!!!.